Նոր սուբվենցիոն ծրագրեր Լոռու մարզում

ՀՀ տարածքային կառավարման և ենթակառուցվածքների նախարարությունը տեղեկացնում է նոր հաստատված սուբվենցիոն ծրագրերի մասին։

ՀՀ վարչապետի 2019 թվականի մարտի 19-ի թիվ 278-Ա որոշմամբ հաստատված ՀՀ պետական տարեկան բյուջեներով նախատեսված սուբվենցիաներից բացի ՀՀ համայնքների տնտեսական և սոցիալական ենթակառուցվածքների զարգացմանն ուղղված սուբվենցիայի հայտերի գնահատման միջգերատեսչական հանձնաժողովի կողմից 2019թ․ հունիսի 18-ի դրությամբ կայացած ընդհանուր առմամբ 4 նիստերի արդյունքում հավանության է արժանացել 239 ծրագիր, ընդհանուր 11,504 մլրդ ՀՀ դրամ գումարային արտահայտությամբ։ ՀՀ պետբյուջեից նշված ծրագրերի համաֆինանսավորման չափը կազմում է 6,236 մլրդ ՀՀ դրամ, համայնքների համաֆինանսավորման չափը՝ 5,038 մլրդ ՀՀ դրամ։

Այս ծրագրերից 34-ն իրականացվելու է Լոռու մարզի համայնքներում և դրանց ընդհանուր բյուջեն կազմում է 1․462․459․160 ՀՀ դրամ, որից 650․118․784 դրամը համայնքային բյուջեներից, 753․815․026 դրամը պետական բյուջեից, իսկ 58․525․350 դրամն այլ ներդրողներից։

34 ծրագրերից 5-ն իրականացվելու է Վանաձոր քաղաքում։

Մանրամասներն այստեղ