пятница, 25 ноября 2016 г.

<<Համայնքային կայքը որպես ՏԻՄ-համայնք կապի միջոց>>

Նոյեմբերի 23-ին Վանաձոր Ինֆոտանը կայացած <<Համայնքային կայքը որպես ՏԻՄ-համայնք կապի միջոց>> թեմայով հանդիպման արդյունքում պարզ դարձավ, որ Վանաձորի համայնքապետարանը, բացի բոլորին հայտնի vanadzor.am կայքը ունի ևս մեկ օնլայն հարթակ` Վանաձորի համայնքապետարանի կառավարման տեղեկատվական համակարգը/ՀԿՏՀ/, որը լայն հնարավորություններ է ստեղծում ՏԻՄ-ի հաշվետվողականության և մասնակցային կառավարման տեսանկյունից:

Վանաձորցիները կարող են գրանցվել Վանաձորի ՀԿՏՀ-ում և մանրամասն տեղեկատվություն ստանալ տարբեր հարցերի վերաբերյալ, օրինակ՝ տեղեկանալ իրենց գույքահարկի պարտքի, ավագանու նիստերի, համայնքի բյուջեի, համայնքի զարգացման ծրագրի մասին։ Բնակիչները կարող են նաև օնլայն դիմում ներկայացնել համայնքապետարանի տարբեր բաժիններ,  հետևել իրենց դիմումների ընթացքին և այլն։ Վանաձորում համակարգը վերջերս է ներդրվել է և շատ կարևոր է վերջինիս  մասսայաան օգտագործումը, որպեսզի այն աշխատի և դառնա ՏԻՄ-համայնք տեղեկատվության փոխանակման և համագործակցության արդյունավետ միջոց:
ՀԿՏՀ-ն միասնական տեղեկատվական համակարգ է, որը հնարավորություն է տալիս համայնքապետարաններին իրականացնել էլեկտրոնային փաստաթղթաշրջանառություն, կառավարել համայնքի բյուջեն և գույքը, տրամադրել տեղեկանքներ և թույլտվությունների և այլն։ 
Ինֆոտանը կայացած շնորհանդես-քննարկման նպատակն էր մասնակիցներին ներկայացնել ՀԿՏՀ-ն, նրանում առկա բաղադրիչները, տեղեկատվության որոնման և ստացման, ՏԻՄ-երի հետ հաղորդակցման և մասնակցության էլեկտրոնային գործիքները: 

Տեղում որոշում կայացվեց և առաջարկությունների հիման վրա պատրաստվեց առցանց  գրություն, որը ներառում էր այնպիսի հարցեր ու խնդիրներ, ինչպիսիք են ՀԿՏՀ հանրայնացումն ու կիրառումը համայնքապետարանի աշխատակիցների և Ավագանու անդամների կողմից, համայնքապետարանում Թեժ գծի ստեղծումը, քաղաքի աղբահանության գրաֆիկի և կանաչ տարածքների սպասարկման, համայնքի հնգամյա զարգացման ծրագրի ընդունման ընթացակարգի և քաղաքացիների մասնակցության վերաբերյալ տեղեկատվության տրամադրումը: Ակնկալվում է, որ առաջիկայում քննարկման մասնակիցները կստանան իրենց մտահոգող հարցերի և առաջարկությունների պատասխանը:
Հանդիպում-քննարկումը կազմակերպվել էր ՀաՄաՏեղ ծրագրի շրջանակներում: Մասնակցում էին ներկայացուցիչներ Եվրասիա համագործակցություն հիմնադրամից, «Տեղեկատվական համակարգերի զարգացման և վերապատրաստման կենտրոն» ՀԿ–ից, Վանաձորի և Թումանյանի համայնքապետարանից, քաղհասարակության տարբեր կառույցներից:

пятница, 19 августа 2016 г.

ՀաՄաՏեղ ծրագրի շրջանակներում Վանաձոր Ինֆոտանը տեղի ունեցավ ՙՙՀաղորդակցում, լրատվամիջոցների հետ աշխատանքի սկզբունքներն ու գործիքները՚՚ թեմայով դասընթացը, որը վարում էր ՀԿ Կենտրոն ՔՀԶ ՀԿ-ի նախագահ Արփինե Հակոբյանը:
ՀաՄաՏեղ ծրագրի շրջանակներում ՀԿ Կենտրոնը համագործակցում է Վանաձոր, Սպիտակ, Դսեղ, Մարգահովիտ համայնքների երիտասրադների հետ՝ զարգացնելով վերջիններիս գիտելիքներն ու կարողությունները Տեղական ինքնակառավարման և ավանդական ու նոր մեդիայի ոլորտներում:
«Հանրային մասնակցություն տեղական ինքնակառավարմանը» (ՀաՄաՏեղ) ծրագիրը հնգամյա գործընթաց է, որի նպատակն է բարձրացնել հանրային մասնակցության աստիճանը ապակենտրոնացման և տեղական ինքնակառավարման բարեփոխումներում: Ծրագիրը քաղաքացիներին տրամադրում է վստահելի տեղեկատվություն և հզորացնում քաղաքացիական հասարակությանը` արդյունավետ, հաշվետու և մասնակցային տեղական ինքնակառավարումը խթանելու նպատակով: 
Ծրագիրն իրականացվում է Համայնքների ֆինանսիստների միավորման (ՀՖՄ) կողմից՝ Տեղեկատվական համակարգերի զարգացման և վերապատրաստման կենտրոնի (ՏՀԶԿԿ), Երևանի մամուլի ակումբի (ԵՄԱ), Ժուռնալիստների «Ասպարեզ» ակումբի, Եվրասիա համագործակցություն հիմնադրամի (ԵՀՀ) և Հետազոտական ռեսուրսների կովկասյան կենտրոնի (ՀՌԿԿ) հետ համատեղ, և ֆինանսավորվում է Միացյալ Նահանգների Միջազգային զարգացման

 

Հենց այս պահին Վանաձոր Ինֆոտանը տեղի է ունենում կայքերի հետ աշխատելու հիմնական մեխանիզմներին ուղղված դասընթաց, որը վարում է Դեպի Հայք կազմակերպության կամավորներից մեկը՝ Հովհաննեսը, ով արդեն 2.5 ամիս է կամավորում է ՀԿ Կենտրոնում:
Դասընթացը կազմակերպվել է «Մարդամեջ» սոցիալ-նորարարության հավաքի դրամաշնոհային ծրագրերի ներկայացուցիչների համար՝ հետագայում ծրագրի շրջանակներում ստեղծված կայքերն աշխատացնելու նպատակով:



 Օգոստոսի 10-ին Վանաձոր Ինֆոտանը տեղի ունեցավ «Ինչպես կազմակերպել ֆիլմի դիտում-քննարկումներ» խորագրով դասընթաց, որը վարում էր Վարուժան Ավանեսյանը:
Հանդիպման ընթացքում քննարկվեցին հետևյալ հարցերը՝
1. Միջավայրի ստեղծում
2. Վայրի ընտրություն և տեխնիկայի ապահովում
3. Քննարկում իրականացնելու և հարցեր տալու արվեստ
4. Մոդերացիոն հմտություններ և կինոդիտման իրականացում
Դասընթացի ավարտին հաջորդեց 2 կարճամետրաժ ֆիլմերի դիտում-քննարկում, որը վարեցին մոդերատորներ Վարուժան Ավանեսյանը և Անուշ Մարգարյանը:
Դասընթացը իրականացվել է «Մեդիան քաղաքացիների տեղեկացված մասնակցության համար» ծրագրի շրջանակում, որը հնարավոր է դարձել Ամերիկայի ժողովրդի աջակցությամբ ԱՄՆ Միջազգային զարգացման գործակալության (ԱՄՆ ՄԶԳ) միջոցով:

понедельник, 11 июля 2016 г.

#webinar «Բնակիչների մասնակցությունը տեղական ինքնակառավարմանը»

Հուլիսի 8-ին Վանաձոր Ինֆոտանը անցկացվեց «Բնակիչների մասնակցությունը տեղական ինքնակառավարմանը» թեմայով վեբինար, որը վարում է «ՀաՄաՏեղ» ծրագրի փորձագետ Քնարիկ Այվազովան:


Վեբինարի ընթացքում մասնակիցները հնարավորություն ունեցան թեմայի վերաբերյալ իրենց հետաքրքրող հարցերն ուղղել վեբինարավարին և տեղում ստանալ պատասխանը: 




Վեբինարին ներկա են Վանաձոր Ինֆոտան անդամներ, Դսեղ և Մարգահովիտ համայնքների «ՀաՄաՏեղ» ծրագրի շրջանակներում ձևավորված խմբերի ներկայացուցիչներ, հետաքրքրված քաղաքացիներ:

четверг, 23 июня 2016 г.

PR և հաղորդակցություն

Հունիսի 22-ին Վանաձոր Ինֆոտանը կայացավ կարողությունների զարգացմանն ու մեդիա գրագիտությանն ուղղված  ևս մեկ դասընթաց՝ «PR և հաղորդակցություն» թեմայով:

Դասընթացի ընթացքում ներկայացվեցին հաղորդակցման մոդելներն ու դրանց առանձնահատկությունները, ինչպես նաև ներքին և արտաքին հաղորդակցման տարրերը:
Մի քանի խմբային աշխատանքների միջոցով մասնակիցները փորձեցին ստացած գիտելիքները կիրառել գործնականում:Այն հնարավորություն տվեց պարզաբանել թերություններն ու ևս մեկ անգամ անդրադառնալ վերը նշված գործիքների կիրառման մեխանիզմներին:



Դասընթացը վարեց ՀԿ Կենտրոն ՔՀԶ Հկ աշխատակից՝ Հերմինե Գասպարյանը:










четверг, 16 июня 2016 г.

PR և հաղորդակցություն 

Վանաձոր Ինֆոտունը սիրով հրավիրում է մասնակցել «PR և հաղորդակցություն» թեմայով դասընթացին, որը տեղի կունենա Վանաձոր Ինֆոտանը՝ Հունիսի 22-ին, ժամը 14.00-ին:
Դասընթացի նպատակն է՝
1.Ներկայացնել հաղորդակցման կարևորությունը 
2. Ներկայացնել հաղորդակցման մոդելը, առանձնահատկությունները
3. Ներկայացնել արդյունավետ հաղորդակցման տարրերը
4. Ներկայացնել ներքին և արտաքին հաղորդակցման առանձնահատկությունները
5. Ներկայացնել Հանրային հարաբերությունների կարևորությունը


Դասընթացը վարելու է «ՀԿ Կենտորն» ՔՀԶ ՀԿ աշխատակից Հերմինե Գասպարյանը 

Մուտքն ազատ է