Երբ հանդիպում են ակտիվները. Վանաձոր-Գյումրի

Վանաձոր Ինֆոտանն այսօր իշխում էր հաճելի, պայծառ ու ընկերության մթնոլորտ: Ինֆոտունն իր պատերի ներքո հյուրընկալել էր բազմաթիվ հյուրերի, այդ թվում` իր լավ բարեկամներին Գյումրիի ինֆոտնից: Կազմակերպվել էր գեղեցիկ միջոցառում.նպատակը՝ Վանաձոր և Գյումրի ԻնֆոՏուն ծրագրերի կիսամյակային արդյունքների, այդ համատեքստում՝ քաղաքացիական լրագրության քառամսյա դասընթացի արդյունքների ամփոփում և հետագա անելիքների ներկայացում:

Գյումրեցիները հետաքրքիր մուտք ունեցան` իրենց հետ բերելով բոլոր խորհրդանիշները, որ անմիջականորեն կապված են ծրագրի ու նրա գործիքների հետ: Հետո Վանաձորի և Գյումրիի Ինֆոտները հանդես եկան իրենց գործունեության ներկայացմամբ, այնուհետ Ինֆոգյուղի համակարգող Աննա Մուրադյանը խոսեց քաղաքացիական լրագրության կարևորության և կազմակերպված դասընթացի արդյունավետության մասին: 

Վանաձորցի ու գյումրեցի ամենաակտիվ քաղլրագրողներն ստացան խրախուսական մրցանակներ, իսկ լավագույնները` Արսեն Վարդանյանը/Գյումրի/ և Նարինե Ոսկանյանը/Վանաձոր/` նաև գրականություն Ինտերնյուս հկ-ի կողմից: 

Իսկ միջոցառման ամենակարևոր մասն այն էր, որ միևնույն ծրագրում ընդգրկված տարբեր քաղաքների երիտասարդները հնարավորություն ունեցան շփվելու, մտքեր ու փորձ փոխանակելու, հետաքրքիր ու հաճելի ժամանակ անցկացնելու:

Ինֆոտան ծրագրի շրջանակներում այս միջոցառումը եզակի չէ. բազմաթիվ անակնակլներ ու տարաբնույթ միջոցառումներ են սպասվում թե ծրագրի մասնակիցներին և թե համայնքի բնակիչներին: