Քո սոցիալական բիզնեսը
Հուլիսի 25-ին ՀԿ Կենտրոնի
դահլիճում տեղի ունեցավ հանդիպում Կոլբալաբս
ծրագրի շրջանակներում: Այս անգամ հավաքվել էին սոցիալական խնդիրներին
բիզնեսի միջոցով լուծումներ առաջարկող երիտասարդները
և Կոլբալաբս ծրագրի կազմակերպիչները: Ի՞նչ է Կոլբալաբսը, ի՞նչ է այն առաջարկում, և
ի՞նչ հնարավորություններ է տալիս: Այս բոլոր հարցերն էլ ստացան իրենց պատասխանը հանդիպման
ժամանակ: Կոլբալաբսի նպատակն է հնարավորություն ընձեռել լուծել
սոցիալական խնդիրներ սոցիալական բիզնեսի միջոցով:
Այն նաև երիտասարդներին կարող է տալ գիտելիքներ, հմտություններ և
փորձ բիզնես ոլորտում, համագործակցություն գործարարների,
մենթորների, ներդրողների և ոլորտի այլ մասնագետների հետ, բիզնեսում ֆինասական ներդրումներ
ստանալու հնարավորություն:
Կոլբալաբսի ժամանակ երիտասարդները աշխատում են երիտասարդների
կողմից առաջ քաշված և ընտրված սոցիալական խնդիրների շուրջ` կազմելով թիմ, լուծումներ առաջարկելով և հանդես գալով բիզնես գաղափարներով: Այս ծրագիր
այն մարդկանց համար է, ովքեր անտարբեր չեն իրնեց համայնքի կամ այլ մարդկանց սոցիալական
խնդիրների նկատմամբ:
Комментарии
Отправить комментарий