«Ինֆոտունն ավանդական եւ այլընտրանքային մեդիայի խաչմերուկում»

ՀԿ Կենտրոն ՔՀԶ ՀԿ-ն Վանաձոր Ինֆոտուն ծրագրի շրջանակներում կազմակերպում է «Ինֆոտունն ավանդական եւ այլընտրանքային մեդիայի խաչմերուկում» թեմայով Բաց Տարածք միջոցառումը, որը տեղի կունենա սույն թվականի մայիսի 28-29-ին Դիլիջանում:
 

"Բաց տարածք" մեթոդի ձևաչափն իրենից ներկայացնում է երկարատև սուրճի ընդմիջում, որը հնարավորություն է տալիս մարդկանց առավել անկաշկանդ խոսել իրենց մտահոգող թեմաների մասին, գտնել համախոհների և նախանշել հիմնախնդիրների լուծման հնարավոր եղանակներ:

Բաց տարածքին կմասնակցեն շուրջ 35 ներկայացուցիչներ՝ ավանդական եւ ոչ ավանդական ԶԼՄ-ներ, մեդիա ոլորտի փորձագետներ, Վանաձոր Ինֆոտուն ծրագրի մասնակիցներ, ներկայացուցիչներ մյուս Ինֆոտներից, տեղական պետական կառույցների հանրային կապերի պատասխանատուներ:

Բաց տարածքի արդյունքում կունենանք.

Ø առավել քան  6  քննարկված հիմնախնդիրներ իրենց լուծումներով,

Ø  մասնակիցների միջոցով գրված և իրենց աշխատանքներն ամփոփող գիրք,

Ø  մեդիա ոլորտի հիմնախնդիրների շուրջ ձևավորված ցանցեր,

Ø  համախոհների մեծ դաշտ,

Ø  նախագծեր` հետագայում իրագործելու համար:

Հանդիպումն իրականացվում է «Մեդիան քաղաքացիների տեղեկացված մասնակցության համար» ծրագրի շրջանակներում: Ծրագիրը հնգամյա գործընթաց է, որը ֆինանսավորվում է ԱՄՆ Միջազգային Զարգացման գործակալության կողմից: Այն իրականացնում են Մեդիա Նախաձեռնությունների Կենտրոնը, Եվրասիա Համագործակցություն Հիմնադրամը եւ Ինտերնյուսը Երեւանի մամուլի ակումբի եւ Հետազոտական ռեսուրսների կովկասյան կենտրոնի հետ համատեղ: