Մարդամեջը կայացավ

Օգոստոսի 25-ին Վանաձորի «Կիրովական» հյուրանոցում տեղի ունեցավ  «Մարդամեջ» սոցիալական նորարարության արհեստանոցը:

Արհեստանոցի նպատակն էր վեր հանել Լոռու մարզում սոցիալական խնդիրներ և նրանց լուծումներ տալ օնլայն հարթակում: Ծրագրի իրականացման արդյունքում կստեղծվի օնլայն հարթակ, որը կտանի սոցիալական կոնկրետ խնդրի լուծմանը:


Արհեստանոցի ընթացքում տեղի ունեցան խմբային քննարկումներ հետևյալ գաղափարների վերաբերյալ.

1. Տուրիստական հանրամատչելի աուդիո-գիդի ստեղծումը /Գրպանի ուղեկցորդ/
2. Բնակիչների հուզող և լուծում պահանջող սոցիալական խնդիրների օնլայն հարթակի ստեղծումը/Քո ձայնը/
3.  Հայալեզու օնլայն ուսուցման հարթակի ստեղծումը / Ես սովորում եմ/

      Արդյունքում գաղափարները բավականաչափ ձևափոխվեցին, և երեկոյան ներկայացվեցին դատավորներին և հրավիրված հյուրերին:

Հաղթող ճանաչվեց  «Քո ձայնը» ծրագրի թիմը, որը կստանա 400.000 դրամ՝ ծրագիրն իրականացնելու համար:

Հաղթող թիմը

«Քո ձայնը» ծրագրի շրջանակններում աշխատանքային թիմը պատրաստվում է ստեղծել մի կայք, որտեղ վանաձորցիները կարող են գտնել անհրաժեշտ տեղեկություններ Վանաձորի հանրային ծառայությունների վերաբերյալ: «Քո ձայնը» թիմին «Յուքոմ» ընկերությունը կտրամադրի 2 տարով հոսթինգ և 1 տարով անվճար ինտերնետ:
Բացի այդ «Գրպանի ուղեկցորդ» թիմին հնարավորություն տրվեց վերամշակել գաղափարը, և այնուհետև գաղափարի հաջողակ լինելու դեպքում այն նույնպես կֆինանսավորվի:

Նկարները ամբողջությամբ տեսնել այստեղ: