Դսեղը երիտասարդների աչքերով
Օգոստոսի 2-ին Վանաձորի ԻնֆոՏան աշխատակիցներն այցելեցին Դսեղի Համայնքային երիտասարդական նախաձեռնող ակումբ (ՀԵՆԱ): Այցելության հիմնական նպատակն էր ` վերհանել այս համայնքի հիմնախնդիրները և դրանց «շունչ տալ». այս դեպքում տեսահոլովակի տեսքով: Ներկա երիտասարդները հանդիպման սկզբում 2 խմբի բաժանվեցին և փորձեցին վերհանել իրենց համայնքում առկա խնդիրները: Պարզվեց, որ թեև այն գեղեցիկ բնաշխարհ ու մշակութային հարուստ պատմություն ունի, այնուամենայնիվ խնդիրներն էլ քիչ չեն:Բնակիչների զբաղվածության ու Դսեղի «ծովեր»-ի ճահճացման խնդիրներ, փողոցային լուսավորության, ծննդատան, շտապ օգնության մեքենայի, աղբամանների ու աղբավայրերի բացակայություն. ահա այս հիմնախնդիրները վերհանեցին ակումբի անդամները:
Կարևորելով նաև մյուս խնդիրները ` որոշվեց այս գործնական աշխատանքի ընթացքում պատրաստել տեսահոլովակ Դսեղի աղբահանության մասին: Երիտասարդների կարծիքով
այստեղ ոչ միայն աղբամաններն են քիչ, այլ նաև չկան հատուկ նախատեսված աղբավայրեր: Համայնքի բնակիչները իրենց կենցաղային աղբը կամ ուղղակի գետն են նետում, կամ որևէ այլ տարածքում թափում:
Քննարկումից հետո սկսվեցին նկարահանման աշխատանքները: Ակումբի անդամները նախ որոշեցին, թե որտեղ պետք է լինեն նկարահանումները և թե ովքեր պետք է մասնակիցը դառնան այս տեսահոլովակի: Բացօթյա գործնական աշխատանքի ընթացքում սովորեցին ինչպես ճիշտ նկարահանել, հարցազրույց վերցնել և այլն: Այնուհետև նրանք այդ ամենն արդեն իրականում կիրառելու հնարավորություն ստացան: Ըստ Վանաձորի ԻնֆոՏան աշխատակից Գոռ Աղաջանյանի ` այս գործնական աշխատանքը հիանալի հնարավորություն էր բոլոր մասնակիցների համար տեսանկարահանման տեսական և գործնական գիտելիքներ ձեռքբերելու համար:
Տեսահոլովակի պատրաստման գործընթացն այնքան ոգևորեց երիտասարդ դսեղեցիներին, որ նրանք պատրաստակամություն հայտնեցին նաև այլ խնդիրներ վերհանելու և դրանք նկարահանելու:
Комментарии
Отправить комментарий