ՎԱՆԱՁՈՐ ԻՆՖՈՏՈՒՆ-ՄԱՐԴԱՄԵՋ ՍՈՑԻԱԼԱԿԱՆ ՆՈՐԱՐԱՐՈՒԹՅԱՆ ՀԱՎԱՔ-ՍԵՊՏԵՄԲԵՐ 15, 2015

Նոր գաղափարներ, մտքերի գրոհ, ինտերնետ գործիքներ, ստեղծագործական մտածողություն, թիմային ինտենսիվ աշխատանք, և այս ամենը միայն մեկ տեղ` Մարդամեջ սոցիալ-նորարարության հավաքին:Մարդամեջ հավաքի նպատակն է նպաստել ՀՀ-ում տեղի ունեցող բարեփոխումների (սոցիալական, ապակենտրոնացման, թափանցիկության և հաշվետվողականության) գործընթացի մասին տեղեկատվության և հանրային մասնակցության բարձրացմանը, այնպիսի խնդիրների վերհանմանը, որոնց լուծումը հնարավոր կլինի տալ օնլայն կամ օֆլայն միջոցներով:

Հավաքն իրականացվում է «Մեդիան քաղաքացիների տեղեկացված մասնակցության համար» ծրագրի շրջանակում, որը քաղաքացիների համար ավելի հասանելի է դարձնում հասարակության վրա ազդող բարեփոխումների մասին անկախ և վստահելի տեղեկատվական աղբյուրները: Որակյալ լրագրության և մեդիագրագիտության տարածման միջոցով այն ստեղծում է հանրային վերահսկողության պահանջարկ որպես քաղաքացիների մասնակցության և  ներգրավվածության անհրաժեշտ մեխանիզմ:

Հերթական Մարդամեջն իր շուրջն էր համախմբել բազում երիտասարդների` միավորելով նրանց 4 հիմնական գաղափարի շուրջ, որոնցից ֆինանսավորում ստացան առավել միավորներ հավաքած 2 ծրագրերը:
Ծրագիրը համատեղ իրականացնում են Մեդիա նախաձեռնությունների կենտրոնը, Եվրասիա համագործակցություն հիմնադրամը և Ինտերնյուսը`ԱՄՆ Միջազգային զարգացման գործակալության ֆինանսավորմամբ։

Комментарии