Քաղաքացիական լրագրության ուսուցում` սոցիալական մեդիայի գործիքներով

Վանաձոր Ինֆոտունը հրավիրում է մասնակցելու հանրային լրագրության դասընթացի ակտիվ երիտասարդների, ովքեր անտարբեր չեն ու պատրաստ են գրել հետաքրքիր հոդվածներ շրջապատում կատարվող երևույթների մասին և ցանկություն ունեն բլոգինգի միջոցով զբաղվելու քաղաքացիական լրագրությամբ:

Դասընթացն անց է կացվելու տասը մասնակցի համար, ընդհանուր տևողությունը հինգ ամիս, ամսեկան երկու պարապմունք: Պարապմունքները վարելու են ոլորտին քաջատեղյակ մասնագետներ:

Դասընթացի ժամանակ ակնկալվում է, որ մասնակիցները պետք է քաղաքացիական լրագրությամբ զբաղվեն, այդ պատճառով յուրաքանչյուր դասի մի մասը կհատկացվի բլոգերների պատմությունների անհատական քննարկմանը: Վերջին երկու ամիսների ընթացքում նրանց հանձնարարվում է նյութեր պատրաստել իրենց համայնքում առկա խնդիրների մասին արդեն որպես լրագրողներ, այդ թվում բնապահպանական: Բլոգինգ ուսուցանվում է worpress բլոգային պլատֆորմի հիման վրա:

Եթե հետաքրքրեց Ձեզ, մինչև նոյեմբերի 20-ը, ժամը 18:00-ն գրեք մեզ infotun.vanadzor@gmail.com էլ. հասցեով` նշելով ձեր ներգրավվելու ցանկության մասին և թողնելով հեռախոսահամար:

Դաս 1-ին

• Ներկայացնել «ԻնֆոԳյուղը», նպատակները, պարզել երկկողմանի ակնկալիքները
• Պարզել ծրագրում ընդգրկվելու ցանկություն հայտնողների համակարգչային ունակությունները
• Բացատրել, թե ինչ է քաղաքացիական լրագրությունը և ինչ նշանակություն ունի քաղաքացիական հասարակության զարգացման գործում
• Ներկայացնել քաղաքացիական լրագրության հիմնական սկզբունքները
• Մատնանշել քաղաքացիական լրագրության հաջողված օրինակներ հայ իրականությունից
• Բացատրել, թե ինչ է բլոգը, ինչ դեր ու նշանակություն ունի
• Յուրաքանչյուրի համար, եթե չունեն`օգնել ստեղծելու էլ. փոստ gmail էլեկտրոնային փոստում, գրանցել Ֆեյսբուքում, եթե նրանք գրանցված չեն

• Միասին բացել բլոգներ և սովորեցնել բլոգներում գրառում կատարել

Դաս 2-րդ

• Սովորեցնել Ֆեյսբուքում հղումներ տարածելու և թագելու ձևը

• Բացատրել նյութի նախընտրելի կառուցվածքը
• Վերնագրի ընտրություն
• Քննարկել բլոգերների գրած հաջողված և անհաջող պատմությունների օրինակներ

Դաս 3-րդ

• Բացատրել լուր գրելու համար անհրաժեշտ 5 W-ները` ինչ, որտեղ, երբ, ինչու, ինչպես և գործնականում կիրառել
• Բացատրել սոցիալական ցանցերի կարևորությունը քաղաքացիական լրագրության զարգացման գործում
• Բերել լուր գրելու օրինակներ և տեղում գրել լուրի մի քանի օրինակ
• Քննարկում

Դաս 4-րդ

• Ինչ բան է թագը կամ ինչի համար են օգտագործվում բանալի բառերը
• Google որոնողական համակարգից օգտվելու մի քանի տարրական մեթոդներ
• Լուրերի հիերարխիա` ըստ կարևորության
• Քննարկում

Դաս 5-րդ

• Սովորեցնել քոմենթել անոնիմ և լոգին եղած, համացանցում կոռեկտ քոմենթելու և ընդհանրապես համացանցում «խաղաղ գոյակցելու» էթիկայի տարրական կանոններ
• Նյութի աղբյուրներ, ինչու են կարևոր երկու և ավելի աղբյուրների առկայությունը
• Խաղ վերոնշյալի վերաբերյալ
• Նկարի և վիդեո նյութի ներբեռնում բլոգում
• Քննարկում

Դաս 6-րդ

• Օպերատիվություն և դրա նշանակությունը

• Էթիկա, հիմնական սկզբունքներ, էթիկական երկընտրանքներ, հեղինակային իրավունք
• Ինչպես են բլոգի գրառման մեջ տեղադրում ակտիվ հղումներ, իսկ սխալվելու դեպքում` հանում հղումները
• Ֆոտո դասընթաց, առաջին հանդիպում
• Քննարկումներ

Դաս 7-րդ

• Հարցազրույց, ինչպես նախապատրաստվել և անցկացնել
• Բաց և փակ հարցեր
• Ֆոտո դասընթաց, երկրորդ հանդիպում
• Քննարկում

Դաս 8-րդ

• Նկարագրություն, ակնարկ
• Խաղ` նկարագրության վերաբերյալ
• Յութուբ, Պիկասա գրանցում
• Վիդեո հմտություններ
• Քննարկում

Դաս 9-րդ

• Վիդեո դասըթնաց
• Յութուբ պրոֆիլի հմտություններ
• Քննարկում

Դաս 10-րդ

• Ռեպորտաժ, ականատեսի «վկայություն»
• Օբյեկտիվություն, ճշգրտություն, անաչառություն
• Քննարկում
  «Լրատվության այլընտրանքային ռեսուրսներ» քառամյա ծրագրի նպատակն է Հայաստանում առավել հասանելի դարձնել անկողմնակալ և բազմակարծիք լրատվությունը ավանդական և այլնտրանքային միջոցներով՝ ժամանակակից տեխնոլոգիաների կիրառմամբ։ Ծրագիրը համատեղ իրականացնում են Եվրասիա համագործակցություն հիմնադրամը, Ինտերնյուս Նեթուորքը (ԱՄՆ), Երևանի մամուլի ակումբը և մամուլի աջակցության «Ինտերնյուս» ՀԿ-ն` ԱՄՆ Միջազգային զարգացման գործակալության (ԱՄՆ ՄԶԳ) աջակցությամբ: